लेकबेशीमा कृषि अन्तरक्रिया गोष्ठी सम्पन्न

लेकबेशी, चैत १५-लेकबेशी नगरपालिकामा शुक्रबार कृषि अन्तरक्रिया गोष्ठी सम्पन्न भएको छ । नगर प्रमुख उमेशकुमार पौडेलको अध्यक्षता, नगर–उप प्रमुख विमला खड्लुकको विशेष आतिथ्यता, प्रमुख प्रशासकीय अधिकृत बखत बहादुर खड्काको प्रमुख आतिथ्यतामा कार्यक्रम भएको हो ।

कृषि विकास निर्देशनालय, कर्णाली प्रदेशका बागवानी विकास अधिकृत टेकराज रेग्मी, लेकवेशी नगरपालिका, नगर कृषि विकास शाखाका कर्मचारीहरु कृषि सहकारीका प्रतिनिधि, स्थानीय कृषकहरुको उपस्थितिमा कार्यक्रम भएको हो । कार्यक्रममा पारिवारिक खेती, कृषि भुमिको उपयोग तथा संरक्षण सम्बन्धि अन्तरक्रिया गोष्ठी सम्पन्न भएको छ ।

कार्यक्रममा, पारिवारिक खेतीको अवधारणा, दीगो विकासका लक्ष्यहरु संग यसको अन्तरसम्बन्ध, कानूनी ब्यवस्था, यस अन्तरगत कृषकहरुले प्राप्त गर्न सक्ने अनुदान, हालका समस्या र निराकरणको उपायहरुका विषयमा समेत छलफल भएको थियो ।

प्रतिकृया दिनुहोस

भर्खरै

धेरै पढिएको