सुर्खेत, माघ २९ -लोक तथा दोहोरी गायक धनराज चुनाराको स्वर रहेको “सरसिरे हावा” को भिडियो सहितको लोकदोहारी गीत युटियुभमार्फत सार्वजनिक भएको छ । लोकदोहारी “सरसिरे हावा” सार्वजनिकसंगै चर्चामा देखिएको छ ।

अष्ट्रेलियाका विभिन्न स्थानमा छायांकन गरिएको र केही आशा लाग्दो नंया कोसेलीको रुपमा सिरसिरे हावा रहेको भन्दै गायक चुनाराले छोटो समयमा लाखौ भ्युज पाएको बताउनुभयो । गायक धनराज चुनारा र गायिका सम्झना शाहको आवाजमा रहेको लोक दोहोरि गित ‘सिर सिरे हावा’ सार्वजनिकसंगै सामाजिक संजालमा यसले राम्रो ट्रेडिङ्ग पाएको हो । युटियुभमा रिलिज भएको छोटो समयमा भ्युज लाखौ पुग्न सफल भएको गायक चुनाराको दावी छ । रुद्र जिएमको शब्द तथा संगीत रहेको गीतमा मिक्स मास्टरिङ भने कुमार सानु पुनको रहेको छ । गीतको भिडियोमा दिनेश थापा र अन्जु अधिकारीको सुन्दर अभिनय देख्न सकिन्छ । भिडियोको छायांकन भने अष्ट्रेलियामा गरिएको छ । सुन्दर दृष्य सहितको गीतको भिडियोको निर्देशन भने दिपक थापाले गरेका हुन् । भिडियोको स्टोरी गम बहादुर न्यौपानेले गरेका हुन् भने सम्पादन अमृत चापागाँइले गरेका छन् ।

गीतमा माया प्रेमका भाका बुनिएको छ । प्रेम गर्ने जोडिहरुलाई लक्षित गरेर बनाईएको गीतको भिडियो पनि प्रेमिल बनेको छ । उक्त गीत नेप्को इन्टरटेन्टमेन्ट मार्फत शनिबार सार्वजनिक गरिएको हो ।

(289) New Lok Dohori Song - Sir Sire Hawa - Dhanaraj Chunara & Samjhana Shah Ft. Dinesh & Anju - YouTube